(ភ្នំពេញ)៖ កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ គឺជាកម្មវិធីកែទម្រង់អាទិភាពមួយ នៅក្នុងរបៀបវារៈនៃការអនុវត្ដការងារកែទម្រង់របស់រាជរដ្ឋាភិបាល, កម្មវិធីនេះត្រូវបានប្រកាសដាក់ឱ្យអនុវត្ដ នៅក្នុងខែធ្នូ ឆ្នាំ២០០៤ ដោយត្រូវអនុវត្ដតាមអភិក្រមជាជំហានៗ តាមដំណាក់កាលទាំង៤ គឺ៖ ១៖ ភាពជឿទុកចិត្ដនៃថវិកា (២០០៥-២០០៨), ២៖ គណនេយ្យភាពហិរញ្ញវត្ថុ (២០០៩-២០១៥), ៣៖ ការផ្សារភ្ជាប់ថវិកាទៅនឹងគោលនយោបាយ (២០១៦-២០២២), និង ៤៖ គណនេយ្យភាពសមិទ្ធកម្ម (២០២៣-២០២៧)។

(ភ្នំពេញ)៖ នៅព្រឹកថ្ងៃសុក្រ ទី១០ ខែមករា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យលោក KATO Katsunobu រដ្ឋមន្ត្រីក្រសួងហិរញ្ញវត្ថុ និងជារដ្ឋមន្ត្រីទទួលបន្ទុកសេវាកម្មហិរញ្ញវត្ថុជប៉ុន ជួបសម្តែងការគួរសម និងពិភាក្សាការងារ នៅវិមានសន្តិភាព៕

(ក្រចេះ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន ប្រធានក្រុមការងារគណបក្សចុះមូលដ្ឋានខេត្តក្រចេះ បានវាយតម្លៃខ្ពស់ចំពោះក្រុមការងារគណបក្សចុះមូលដ្ឋានខេត្តក្រចេះ ដែលខិតខំប្រឹងប្រែងរួមគ្នាជាមួយគណៈកម្មាធិការបក្សខេត្តក្រចេះ និងថ្នាក់ដឹកនាំគណបក្សប្រជាជនកម្ពុជាគ្រប់លំដាប់ថ្នាក់ក្នុងខេត្តក្រចេះ បម្រើប្រជាពលរដ្ឋស្របតាមកម្មវិធីនយោបាយគណបក្ស ក៏ដូចជាគោលនយោបាយរបស់រាជរដ្ឋាភិបាល និងស្តែងឡើងតាមរយៈសមិទ្ធផលក្នុងឆ្នាំ២០២៤ របស់ក្រុមការងារគណបក្សចុះមូលដ្ឋានខេត្តក្រចេះ បានបង្ហាញយ៉ាងច្បាស់ពីការយកចិត្តទុកដាក់របស់គ្រប់ភាគី ធ្វើឱ្យសម្រេចបាននូវសមិទ្ធផលថ្មីៗបន្ថែមជូនទឹកដីខេត្តក្រចេះ។

ការវាយតម្លៃបែបនេះរបស់ប្រធានក្រុមការងារគណបក្សចុះមូលដ្ឋានខេត្តក្រចេះ បានធ្វើឡើងក្នុងឱកាសដែលលោកបានអញ្ជើញជាអធិបតីកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារបន្តរបស់គណៈកម្មាធិការគណបក្សខេត្ត នារសៀលថ្ងៃទី០៨ ខែមករា ឆ្នាំ២០២៥ នៅខេត្តក្រចេះ ដោយមានការអញ្ជើញចូលរួមពីអនុប្រធាន សមាជិកសមាជិកានៃក្រុមការងារគណបក្សចុះមូលដ្ឋានខេត្តក្រចេះ ព្រមទាំងថ្នាក់ដឹកនាំនៃគណៈកម្មាធិការបក្សប្រជាជនកម្ពុជាខេត្តក្រចេះ ព្រមទាំងសមាជិក សមាជិកាក្រុមការងារចុះមូលដ្ឋាន តំណាងមន្ត្រីបក្សថ្នាក់ក្រុងស្រុក ឃុំ សង្កាត់ ជាច្រើនរយនាក់។

លោករដ្ឋមន្ត្រី នេត្រ ភក្ត្រា ក៏បានលើកទឹកចិត្ត និងជំរុញក្រុមការងារបន្តការបម្រើប្រជាពលរដ្ឋកាន់តែខ្លាំងក្លាបន្ថែមទៀត ការកសាងអំពើល្អ ធ្វើអំពើល្អ និងរួមសុខទុក្ខជាមួយប្រជាពលរដ្ឋ គឺជាគោលការណ៍មួយរបស់គណបក្សប្រជាជនកម្ពុជា ដើម្បីធ្វើយ៉ាងឱ្យខេត្តក្រចេះជាមូលដ្ឋានដ៏រឹងមាំមួយសម្រាប់គណបក្សប្រជាជនកម្ពុជា និងទទួលបានការជឿទុកចិត្តខ្ពស់ពីប្រជាពលរដ្ឋលើរាជរដ្ឋាភិបាលកម្ពុជា។

ឆ្លៀតក្នុងឱកាសនោះដែរ លោករដ្ឋមន្ត្រី នេត្រ ភក្ត្រា បានបន្តថា ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជានិងឥស្សរជនជាថ្នាក់ដឹកនាំគណបក្សប្រជាជនកម្ពុជាផ្សេងទៀត, ប្រទេសកម្ពុជាត្រូវបានរំដោះចេញពីភ្នក់ភ្លើងសង្គ្រាមប្រល័យពូជសាសន៍ និងទទួលបានសន្តិភាពពេញលេញ ព្រមទាំងមានការអភិវឌ្ឍរីកចម្រើនលើគ្រប់វិស័យយ៉ាងឆាប់រហ័ស។ គណបក្សប្រជាជនកម្ពុជា គឺជាគណបក្សមួយមានភាពចាស់ទុំជាងគេផ្នែកនយោបាយ និងមានការគាំទ្រដ៏ច្រើនលើសលុបពីបងប្អូនប្រជាពលរដ្ឋ និងជាគណបក្ស ដែលនាំមកនូវសុខសន្តិភាពជូនប្រជាពលរដ្ឋ និងប្រទេសកម្ពុជា ហើយបានធ្វើឱ្យប្រទេសមានការអភិវឌ្ឍរីកចម្រើនលើគ្រប់វិស័យយ៉ាងឆាប់រហ័ស មូលដ្ឋានគ្រឹះរបស់គណបក្ស គឺកសាងអំពើល្អ ធ្វើអំពើល្អ ពិសេសការរួមសុខរួមទុក្ខជាមួយប្រជាពលរដ្ឋ។

គណបក្សប្រជាជនកម្ពុជា តែងតែគិតគូជានិច្ចពីសុខទុក្ខរបស់ប្រជាពលរដ្ឋ និងរួមរស់ជាមួយពលរដ្ឋគ្រប់កាលៈទេសៈ មិនទុកឱ្យពលរដ្ឋជួបទុក្ខលំបាក និងមិនរត់ចោលប្រជាពលរដ្ឋទោះស្ថិតក្នុងស្ថានភាពយ៉ាងណាក៏ដោយ និយាយជារួមគឺសុខទុក្ខរបស់ប្រជាពលរដ្ឋ គឺជាសុខទុក្ខរបស់ថ្នាក់ដឹកនាំគណបក្សប្រជាជនកម្ពុជា។

លោករដ្ឋមន្ត្រី នេត្រ ភក្ត្រា បានលើកទឹកចិត្តថ្នាក់ដឹកនាំ និងសមាជិក សមាជិកាគណបក្សបន្តចុះពង្រឹងការចុះជួបប្រជាពលរដ្ឋនៅតាមមូលដ្ឋាន ដើម្បីបន្តបម្រើប្រជាពលរដ្ឋ ស្វែងយល់ពីសុខទុក្ខ និងដោះស្រាយភាពចាំបាច់ដែលជាតម្រូវការនៅតាមមូលដ្ឋាន ដើម្បីឱ្យប្រជាពលរដ្ឋកាន់តែមានជំនឿកាន់តែខ្លាំងថែមទៀតចំពោះការដឹកនាំរបស់គណបក្សប្រជាជនកម្ពុជា ដែលមានស្នាដៃដ៏ធំធេងជាប្រវត្តិសាស្រ្តក្នុងការបម្រើជាតិ និងប្រជាជនកម្ពុជា នាពេលកន្លងមក និងបន្តទៅជំនាន់ក្រោយទៀត៕

(ភ្នំពេញ)៖ សម្តេចព្រះមហាសង្ឃរាជ បួរ គ្រី ព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហមុនីរាជា មានព្រះបន្ទួលជំរុញទៅដល់យុវជនទាំងអស់ ដែលមានឱកាសបានសិក្សារៀនសូត្រ ត្រូវនាំគ្នាប្រឹងប្រែងឡើង ដើម្បីមានចំណេះជំនាញឲ្យបានច្បាស់លាស់ ខណៈដែលរាជរដ្ឋាភិបាលកម្ពុជា កំពុងខិតខំបណ្ដុះនូវធនធានមនុស្ស ចូលរួមអភិវឌ្ឍន៍ប្រទេសជាតិ ឲ្យកាន់តែរីកចម្រើន ។

ភ្នំពេញ៖ នៅព្រឹកថ្ងៃទី០៨ ខែមករា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា បានអនុញ្ញាតឱ្យ ប្រតិភូសហព័ន្ធស្រូវអង្ករកម្ពុជា ចូលជួបសម្តែងការគួរសម និងពិភាក្សារការងារនៅវិមានសន្តិភាព។

សូមជម្រាបថា សហព័ន្ធស្រូវអង្ករកម្ពុជា (ស.អ.ក) ជាស្ថាប័នឯកជនតែមួយគត់ តំណាងឱ្យវិស័យស្រូវឧស្សាហកម្មស្រូវអង្ករនៅកម្ពុជា ដែលប្រមូលផ្តុំអ្នកពាក់ព័ន្ធទាំងអស់មកពីអ្នកផលិត អ្នកកិនកែច្នៃ អ្នកនាំចេញ និងអ្នកផ្តល់សេវាពាក់ព័ន្ធ។ ស្ថាប័នមួយនេះ ត្រូវបានបង្កើតឡើងតាមរយៈ ការបោះឆ្នោត ដោយសមាជិកស្ថាបនិក២១៣រូប នាថ្ងៃទី១៩ ខែឧសភា ឆ្នាំ២០១៤ និងត្រូវបានទទួលស្គាល់ជាផ្លូវការដោយអនុក្រឹត្យរបស់រាជរដ្ឋាភិបាលលេខ២២៨ អនប្រ.បក ចុះថ្ងៃទី០៨ ខែសីហា ឆ្នាំ២០១៤ និងអនុក្រឹត្យលេខ១៧២ អនប្រ.បក ចុះថ្ងៃទី២៨ ខែវិច្ឆិកា ឆ្នាំ២០១៩។

សហព័ន្ធស្រូវអង្ករកម្ពុជា ជាស្ថាប័នឯកជនតែមួយគត់ សម្រាប់វិស័យស្រូវអង្ករនៅកម្ពុជា ដែលស្ថិតក្រោមអភិបាលកិច្ចផ្នែកបច្ចេកទេសរបស់ក្រសួងពាណិជ្ជកម្ម និងជាដៃគូរបស់រាជរដ្ឋាភិបាល ចូលរួមរាល់សកម្មភាពរបស់សហគមន៍ស្រូវអង្ករនៃបណ្តាប្រទេសអាស៊ាន ចូលរួមចរចារជាមួយរដ្ឋាភិបាលនៃបណ្តាប្រទេសនាំចូល រៀបចំសន្និសីទតាំងពិព័រណ៌ស្រូវ-អង្ករថ្នាក់ជាតិ និងអន្តរជាតិជាប្រចាំឆ្នាំ ព្រមទាំងចូលរួមក្នុងការងារផលិតពូជស្រូវសម្រាប់ចែកចាយជូនប្រជាកសិករ។ នាថ្ងៃទី០៩ ខែសីហា ឆ្នាំ២០១៩ សហព័ន្ធស្រូវអង្ករកម្ពុជា បានរៀបចំមហាសន្និបាតប្រចាំឆ្នាំ និងការបោះឆ្នោតក្រុមប្រឹក្សាភិបាលអាណត្តិទី៣ ដោយជ្រើសរើសបានសមាជិកក្រុមប្រឹក្សាភិបាលចំនួន ២៥រូប ដែលជាតំណាង មកពីអ្នកនាំចេញអង្ករ រោងម៉ាស៊ីនកិនស្រូវ និងសហគមន៍កសិករ៕

(ព្រះវិហារ)៖ លោក គីម រិទ្ធី អភិបាលខេត្តព្រះព្រះវិហារ នៅរសៀលថ្ងៃទី៧ ខែមករា ឆ្នាំ២០២៥ បានអញ្ជើញចុះចែកវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋចំនួន៨៦៩គ្រួសារ ដែលមានក្បាលដីសរុបចំនួន១០៤៦ក្បាលដី លើផ្ទៃដីចំនួនជាង២៥៧ហិកតា ស្ថិតក្នុងភូមិភារកិច្ច (តំបន់កូនភ្នំ) សង្កាត់ប៉ាលហាល ក្រុងព្រះវិហារ ខេត្តព្រះវិហារ ជាមួយនឹងការថ្លែងប្តេជ្ញាចិត្ត នឹងចេញបណ្ណកម្មសិទ្ធិដីធ្លីជូនប្រជាពលរដ្ឋឱ្យអស់ក្នុងឆ្នាំ២០២៥នេះ។

នៅក្នុងឱកាសនេះ លោក គីម រិទ្ធី ជំនួសមុខឱ្យបងប្អូនប្រជាពលរដ្ឋរស់នៅភូមិភារកិច្ច សូមគោរពថ្លែងអំណរគុណដ៏ជ្រាលជ្រៅបំផុត ចំពោះសម្តេចតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រី ក៏ដូចជាទីស្តីការគណៈរដ្ឋមន្ត្រី ក្រសួងរៀបចំដែនដី ដែលបានសម្រេចឯកភាពលើសំណើររបស់រដ្ឋបាលខេត្ត ដែលបានស្នើសុំកាត់ឆ្វៀលដីចំនួន៣១៧ហិកតា នៅតំបន់កូនភ្នំ ក្នុងភូមិភារកិច្ច សង្កាត់ប៉ាលហាល ក្រុងព្រះវិហារ ចេញពីដែនគម្រប់ព្រៃឈើឆ្នាំ២០២២ និងធ្វើអនុប្រយោគជាដីឯកជនរបស់រដ្ឋ សម្រាប់ធ្វើប្រទានកម្ម ជាកម្មសិទ្ធិជូនប្រជាពលរដ្ឋ និងជាទ្រព្យសម្បត្តិឯកជនរបស់រដ្ឋ ដើម្បីថែរក្សាកាពារឱ្យបានគង់វង្ស។

លោកអភិបាលខេត្តព្រះវិហារ ក៏បានកោតសរសើរ និងវាយតម្លៃខ្ពស់ចំពោះ អាជ្ញាធរសង្កាត់ និងក្រុងព្រះវិហារ មន្ទីររៀបចំដែនដី ព្រមទាំងក្រុមការងារវាស់វែងដីធ្លីទាំងអស់ ដែលបានយកចិត្តទុកដាក់ខិតខំអនុវត្តតួនាទី ភារកិច្ច ការងាររបស់ខ្លួន ក្នុងការដោះស្រាយបញ្ហាដីធ្លី និងការចុះបញ្ជីដីធ្លី ជូនប្រជាពលរដ្ឋ នៅទូទាំងខេត្តព្រះវិហារ ក៏ដូចជានៅក្នុងតំបន់កូនភ្នំ ស្ថិតក្នុងភូមិភារកិច្ច ដែលបានអនុវត្តតាមជំហានៗរួមមាន៖ ការប្រកាសតំបន់វិនិច្ឆ័យ ការកំណត់ព្រំប្រទល់ភូមិ ការកំណត់ព្រំក្បាលដី និងវាស់វែងក្បាលដី ការបញ្ចូលទិន្នន័យម្ចាស់ក្បាលដី ការបិទផ្សាយជាសាធារណៈនូវទិន្នន័យម្ចាស់ក្បាលដីទាំងអស់ក្នុងតំបន់វិនិច្ឆ័យ។

លោក គីម រិទ្ធី បានបញ្ជាក់ថា ការចេញវិញ្ញាបនបត្រសម្គាល់ម្ចាស់អចលនវត្ថុ ដែលបានចែកជូនបងប្អូននាពេលនេះ គឺជាលទ្ធផលនៃការអនុវត្តកម្មវិធីនយោបាយរបស់រាជរដ្ឋាភិបាល លើកការអនុវត្តកំណែទម្រង់លើវិស័យដីធ្លី ក្នុងការចុះបញ្ជីដីធ្លីមានលក្ខណៈជាប្រព័ន្ធ ដែលកន្លងមករាជរដ្ឋាភិបាលបានដាក់ចេញនូវគោលនយោបាយចាស់ សកម្មភាពថ្មី លើវិស័យដីធ្លី ដែលមានក្រុមនិស្សិតស្ម័គ្រចិត្តសម្តេចតេជោ បានចុះវាស់វែងចុះបញ្ជីមានលក្ខណៈជាប្រព័ន្ធ ដើម្បីដោះស្រាយស្ថានភាព នៃការកាន់កាប់ប្រើប្រាស់ដីធ្លី ឱ្យមានភាពស្របច្បាប់ត្រឹមត្រូវ រឹងមាំ។

ក្នុងនាមរដ្ឋបាលខេត្តព្រះវិហារ លោក គីម រិទ្ធី បានប្តេជ្ញាចិត្តយ៉ាងមុតមាំ ក្នុងការអនុវត្តតាមទិសដៅរបស់រាជរដ្ឋាភិបាល ដែលមានក្រសួងរៀបំដែនដីជាសេនាធិការ ក្នុងការបញ្ចប់ការចុះបញ្ជីដីធ្លី នៅទូទាំងប្រទេសឱ្យបានមុនឆ្នាំ២០២៩។លោកថ្លែងបញ្ជាក់ទៀតថាបណ្ណកម្មសិទ្ធ្ធិដីធ្លីដែលចែកជូននាពេលនេះ គឺជាឯកសាររដ្ឋបាល ដែលបញ្ជាក់ពីសិទ្ធជាម្ចាស់ស្របច្បាប់លើក្បាលដីនីមួយៗ ដែលអាចមានសិទ្ធិប្រើប្រាស់ អាស្រ័យផល និងចាត់ចែងបាន។

លោក គីម រិទ្ធី ក៏បានផ្តាំផ្ញើដល់អាជ្ញាធរគ្រប់លំដាប់ថ្នាក់ មន្ទីរ អង្គភាពជំនាញ និងប្រជាពលរដ្ឋទាំងអស់ ដូចខាងក្រោម៖

*យកចិត្តទុកដាក់រួមគ្នាធ្វើការសម្របសម្រួលឱ្យអស់លទ្ធភាព ក្នុងការដោះស្រាយទំនាស់ដីធ្លីនៅមូលដ្ឋាន តាមរយះយន្តការដោះស្រាយទំនាស់ក្រៅប្រព័ន្ធតុលាការ និងទប់ស្លាត់ការកាប់ទន្ទ្រានដីរដ្ឋធ្វើជាកម្មសិទ្ធិខុសច្បាប់។

*សូមសហការពិនិត្យ និងស្នើសុំការចុះបញ្ជីដីរដ្ឋ ដីសហគមន៍ និងដីសាធារណៈផ្សេងៗទៀត ឱ្យបានច្បាស់លាស់ ដើម្បីធានាការថែរក្សាឱ្យបានគង់វង្ស និងការពារមិនឱ្យបាត់បង់។

*រាល់ការចេញលិខិតបញ្ជាក់ការកាន់កាប់ និងប្រើប្រាស់ដីធ្លី ដែលមិនមែនជាដីភោគៈ ដីមិនស្របច្បាប់ ឫពុំមានការចុះវាស់វែងពីមន្ត្រីជំនាញ តាមនិតិវិធីស្របច្បាប់ ត្រូវបានហាមឃាត់ជាដាច់ខាត៕