ក្រុមអ្នកកាសែត ចងក្រងគ្នាបង្កើតជា «សម្ព័ន្ធសមាគមសារព័ត៌មានកម្ពុជា» ដ៏ធំមួយនិងជាលើកទី១ នៅកម្ពុជា

ភ្នំពេញ៖ប្រធានសមាគមអ្នកសារព័ត៌មានចំនួន១៤ បានមូលមតិគ្នាជាឯកច្ឆន្ទ ចុះអនុស្សារណៈយោគយល់គ្នា បង្កើតជា «សម្ព័ន្ធសមាគមសារព័ត៌មានកម្ពុជា» ក្រោមការផ្តើមគំនិត និងអធិបតីភាព  ឯកឧត្តម ហ៊ុយ វណ្ណៈ ប្រធានសហភាពសហព័ន្ធសារព័ត៌មានកម្ពុជា និងវត្តមានអ្នកកាសែតចូលរួមអបអរសាទរជាង១០០នាក់ នៅអគារសេរីភាព នាព្រឹកថ្ងៃទី២៨ ខែកុម្ភៈ ឆ្នាំ២០២៣នេះ។

ឯកឧត្តម ហ៊ុយ វណ្ណៈ  ថ្លែងថា បេសកកម្មចំពោះមុខរបស់ សម្ព័ន្ធសមាគមសារព័ត៌មានកម្ពុជា គឺផ្តោតលើការពង្រឹងតួនាទីសមាគមសារព័ត៌មាន, ការតម្រង់ទិសក្រមសីលធម៌វិជ្ជាជីវៈអ្នកសារព័ត៌មាន, ការប្រយុទ្ធប្រឆាំងព័ត៌មានក្លែងក្លាយនិងមនោគមន៍វិជ្ជា, ការបើកវគ្គបណ្តុះបណ្តាល និងការអភិវឌ្ឍសមត្ថភាពអ្នកសារព័ត៌មាន, ការការពារសិទ្ធិអ្នកសារព័ត៌មាន, ការផ្លាស់ប្តូរបទពិសោធន៍ និងបំពេញឱ្យគ្នាទៅវិញទៅមកដោយឈរលើគោលការណ៍ស្ម័គ្រចិត្ត។

សមាគមអ្នកសារព័ត៌មានទាំង១៤ រួមមាន៖
១- សហភាពសហព័ន្ធអ្នកសារព័ត៌មានកម្ពុជា  
២- សមាគមសេរីភាពអ្នកសារព័ត៌មានកម្ពុជា
៣- សមាគមសារព័ត៌មានអេឡិចត្រូនិច «អឹមអេសជេ»  MSJ
៤- សមាគមអ្នកសារព័ត៌មានខ្មែរប្រជាធិបតេយ្យ 
៥-  ក្លិបអ្នកកាសែតឯករាជ្យ  
៦- សមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា 
៧- សមាគមអ្នកសារព័ត៌មាន កម្ពុជា-អាស៊ាន 
៨- សមាគមអ្នកសារព័ត៌មាន យុវជន 
៩- សមាគមអ្នកកាសែតខ្មែរសន្តិភាព 
១០- សមាគមអ្នកសារព័ត៌មានឯករាជ្យជាតិកម្ពុជា 
១១- សមាគមមិត្តភាពអ្នកសារព័ត៌មានអាស៊ាន  
១២- សមាគមអ្នកសារព័ត៌មានអង្កេតការពិតនៅកម្ពុជា 
១៣- សមាគមសម្ព័ន្ធអ្នកសារព័ត៌មានសកលសន្តិភាព 
១៤- សមាគមសម្ព័ន្ធសារព័ត៌មានគេហទំព័រកម្ពុជា