ផ្សាយពាណិជ្ជកម្ម
គេហទំព័រ ព័ត៌មានថ្មីពិត មានទទួល ផ្សាយពាណិជ្ជកម្ម គ្រប់ប្រភទ / ចាងហ្វាងការផ្សាយ : លោក ថាំង ប៊ុន សុង / ទីស្នាក់ការកណ្តាល : ភូមិថ្មី សង្កាត់​​​ / ខណ្ឌដង្កោ /​ ភ្នំពេញ / ទំនាក់ទំនង Tele: 012 253 887 / 016 253 887

ផ្សាយពាណិជ្ជកម្ម


ផ្សាយពាណិជ្ជកម្ម

ផ្សាយពាណិជ្ចកម្ម

ផ្សាយពាណិជ្ជកម្ម

Tuesday, March 7, 2023

ព្រលានយន្តហោះថ្មីខេត្តសៀមរាប សង់បាន ៨៦ភាគរយហើយ គ្រោងដាក់ឱ្យហោះសាកល្បងខែមិថុនា

ចំនួនអ្នកទស្សនា: Views

(ភ្នំពេញ)៖ អាកាសយានដ្ឋានអន្តរជាតិសៀមរាប-អង្គរ សាងសង់សម្រេចបាន​ប្រមាណ ៨៦ភាគរយហើយ គ្រោងដាក់ឱ្យហោះហើរសាកល្បងនៅខែមិថុនា និង​ហោះ​ជាផ្លូវការនៅខែតុលា​ ឆ្នាំ២០២៣នេះ។

ព័ត៌មានវឌ្ឍនភាពនៃការសាងសង់អាកាសយានដ្ឋានអន្តរជាតិសៀមរាប-អង្គរនេះ ត្រូវបានលោក Liu Mingling អគ្គនាយក និងជាអនុប្រធានក្រុមហ៊ុន Yunnan Investment Group ដែលជាម្ចាស់ភាគហ៊ុនធំជាងគេនៃក្រុមហ៊ុនអនុវត្តគម្រោង​សាងសង់អាកាសយានដ្ឋានអន្តរជាតិសៀមរាប-អង្គរ (AIAI) ក្នុងពេលអញ្ជើញជួប​សម្តែង​ការគួរសមជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅល្ងាចថ្ងៃ​ចន្ទ ទី០៦ ខែមីនា ឆ្នាំ២០២៣នេះ។

បើតាមលោក អ៊ាង សុផល្លែត ជំនួយការផ្ទាល់របស់សម្តេចតេជោនាយករដ្ឋមន្ត្រី បានឱ្យដឹងថា ក្នុងជំនួបនេះ ក្រៅតែពីជម្រាបនូវវឌ្ឍនភាពនៃការសាងសង់ហើយ លោកអគ្គនាយកក្រុមហ៊ុន បានជម្រាបសម្តេចតេជោពីបំណងចង់ផ្សព្វផ្សាយ​ពីអាកាស​យានដ្ឋានអន្តរជាតិសៀមរាប-អង្គរ ឱ្យបានទូលំទូលាយ ដើម្បីជាការ​ទាក់ទាញ​អ្នកទេសចរ អ្នកវិនិយោគ។

បន្ថែមពីលើនោះ លោក Liu Mingling ជម្រាបសម្តេចតេជោ ពីបំណង​ចង់វិនិយោគ​ថាមពលពន្លឺព្រះអាទិត្យ នៅខេត្តសៀមរាបផងដែរ។

សម្តេចតេជោនាយករដ្ឋមន្ត្រី បានសម្តែងការរីករាយចំពោះវឌ្ឍនភាពនៃការសាងសង់​អាកាសយានដ្ឋានអន្តរជាតិសៀមរាប-អង្គរ។ សម្តេចតេជោ បានលើកទឹកចិត្តឱ្យក្រុម​ហ៊ុនពន្លឿនការសាងសង់ និងធ្វើយ៉ាងណាឱ្យការសាងសង់​ត្រូវតាមបទដ្ឋានបច្ចេក​ទេស​មុនបើកការហោះហើរ។

សម្តេចតេជោ បានគូសបញ្ជាក់ថា ព្រលានយន្តហោះនេះមានតួនាទីធំ ក្នុងការតភ្ជាប់ផ្លូវអាកាស។​ មិនត្រឹមភ្ជាប់ការហោះហើរក្នុងស្រុកប៉ុណ្ណោះទេ តែក៏សម្រាប់តភ្ជាប់ប្រទេសផ្សេងទៀត ដែលមិនហ៊ានចុះចតកាលពីមុន។

សម្តេចតេជោនាយករដ្ឋមន្ត្រី ក៏បានស្វាគមន៍ចំពោះបំណងក្រុមហ៊ុនក្នុងការផ្សព្វផ្សាយ​ទាក់ទាញការហោះហើរទៅកាន់ខេត្តសៀមរាប ក៏ដូចជាបំណងទាក់ទាញអ្នកវិនិយោគលើថាមពលកកើតឡើងវិញ។

សម្តេចតេជោ បានផ្តល់ជាគំនិតថា ក្រុមហ៊ុនអាចពិចារណាផលិតផ្ទាំងស​ឡា​នៅកម្ពុជា ហើយអាចនាំចេញទៅប្រទេសក្រៅផង អាចប្រើប្រាស់នៅកម្ពុជាផង។

សូមបញ្ជាក់ថា អាកាសយានដ្ឋានអន្តរជាតិសៀមរាប-អង្គរ គ្រោងចំណាយទុន​វិនិយោគ​​ប្រមាណ ៨៨០លានដុល្លារអាមេរិក។ អាកាសយានដ្ឋាននេះ បានចាប់ផ្តើម​ដំណើរ​ការ​សាងសង់នៅថ្ងៃទី១៥ ខែមីនា ឆ្នាំ២០២០។

អាកាសយានដ្ឋានអន្តរជាតិសៀមរាប-អង្គរ ជាប្រភេទអាកាសយានដ្ឋានអន្តរជាតិ​កម្រិត/លំដាប់ថ្នាក់ 4E ត្រូវបានសាងសង់ឡើងលើផ្ទៃដីទំហំ ៧០០.០៦ហិកតា។ ក្រុមហ៊ុនវិនិយោគព្រលានយន្តហោះថ្មីនេះ ក៏នឹងមានការកសាងតំបន់សេដ្ឋកិច្ចពិសេស ឬតំបន់ឧស្សាហកម្មរណបឱ្យអាកាសយានដ្ឋានអន្តរជាតិថ្មី ដែលហៅថា ទីក្រុងអាកាសយានដ្ឋាន ដែលមានដីបម្រុងប្រមាណ ១,០០០ហិកតា និងការអភិវឌ្ឍផ្លូវល្បឿនលឿន ដែលតភ្ជាប់ត្រង់ពីទីរួមខេត្តសៀមរាប ទៅកាន់អាកាសយានដ្ឋានផងដែរ៕


0 Comments:

Post a Comment