ក្រុមការងារគណបក្សប្រជាជនកម្ពុជាចុះមូលដ្ឋានឃុំជើងគួន បានអញ្ជើញចុះសំណេះសំណាល គ្រួសារបក្សទាំងអស់ ក្នុងឃុំជើងគួន
តាកែវ៖ ឯកឧត្តម កែវ សុីវន អនុរដ្ឋលេខាធិការ រដ្ឋលេខាធិការដ្ឋានអាកាសចរស៊ីវិល និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំជើងគួន បានដឹកនាំក្រុមការងារទទួលបន្ទុកភូមិទាំង១១ នៃឃុំជើងគួន អញ្ជើញចុះសំណេះសំណាល សួរសុខទុក្ខគ្រួសារបក្សទាំងអស់ ក្នុងឃុំជើងគួន ស្រុកសំរោង ខេត្តតាកែវ នៅថ្ងៃ២០ ខែមិថុនា ឆ្នាំ២០២៣។
ក្នងឱកាសនោះ ឯកឧត្តមប្រធាន និង ប្រធានក្រុមការងារតាមភូមិទាំង១១ បានពាំនាំការផ្តាំផ្ញើរសួរសុខទុក្ខពី សម្តេចតេជោ ហ៊ុន សែន ប្រធានគណបក្សប្រជាជនកម្ពុជា,
ឯកឧត្តមកិត្តិនីតិកោសលបណ្ឌិត ប៊ិន ឈិន ប្រធានក្រុមការងារគណបក្សចុះមូលដ្ឋានខេត្តតាកែវ និង ឯកឧត្តមបណ្ឌិត ម៉ៅ ហាវណ្ណាល់ ប្រធានក្រុមការងារគណបក្សប្រជាជនចុះមូលដ្ឋានស្រុកសំរោង ទទួលបន្ទុក៩ឃុំ។ ជាមួយគ្នានោះ បានថ្លែងពីសមិទ្ធផលសំខាន់ៗ ក្រោមការដឹកនាំដ៏ឈ្លៀសវៃរបស់ របស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង ជាប្រធាន គណបក្សប្រជាជនកម្ពុជា។
បន្ទាប់មក ក្រុមការងារបានអញ្ជើញ សមាជិកសមាជិកាបក្ស និងក្រុមគ្រួសារទៅបោះឆ្នោតឱ្យបានគ្រប់គ្នាជូន គណបក្សប្រជាជនកម្ពុជា នៅថ្ងៃទី២៣ ខែកក្កដា ឆ្នាំ២០២៣ខាងមុខ ដើម្បីបន្តដឹកនាំប្រទេស ថែរក្សាសុខសន្តិភាព និង ការអភិវឌ្ឍរីកចម្រើនបន្ថែមទៀត រួចក៏បានប្រគល់អំណោយកំដរដៃរបស់ ឯកឧត្តមបណ្ឌិត ម៉ៅ ហាវណ្ណាល់ និង លោកជំទាវ ខាន់ ម៉ានីដា ជូនគ្រួសារបក្សនីមួយៗផងដែរ៕
No comments: