ផ្សាយពាណិជ្ជកម្ម
គេហទំព័រ ព័ត៌មានថ្មីពិត មានទទួល ផ្សាយពាណិជ្ជកម្ម គ្រប់ប្រភទ / ចាងហ្វាងការផ្សាយ : លោក ថាំង ប៊ុន សុង / ទីស្នាក់ការកណ្តាល : ភូមិថ្មី សង្កាត់​​​ / ខណ្ឌដង្កោ /​ ភ្នំពេញ / ទំនាក់ទំនង Tele: 012 253 887 / 016 253 887

ផ្សាយពាណិជ្ជកម្ម


Friday, February 24, 2023

ក្រសួងសេដ្ឋកិច្ច បង្ហាញលទ្ធផលនៃកិច្ចប្រជុំត្រួតពិនិត្យប្រចាំឆ្នាំ២០២២ លើការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ ដំណាកកាលទី៣

ចំនួនអ្នកទស្សនា: Views


(ភ្នំពេញ)៖ ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២២ ខែកុម្ភៈ ឆ្នាំ២០២៣ មានការរៀបចំកិច្ចប្រជុំត្រួតពិនិត្យប្រចាំឆ្នាំ២០២២ នៃ «ការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣» ក្រោមការចូលរួមពីអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ ការគ្រប់គ្រងហិរញ្ញវត្ថុសាធារណៈ។



នេះបើតាមសេចក្ដីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៣ ខែកុម្ភៈ ឆ្នាំ២០២៣។

តាមក្រសួងសេដ្ឋកិច្ចបានឲ្យដឹងថា កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ជាកម្មវិធីកែទម្រង់ស្នូលនៃកម្មវិធីកែទម្រង់សំខាន់ៗ របស់រាជរដ្ឋាភិបាលកម្ពុជា ដើម្បីឈានឆ្ពោះទៅពង្រឹងអភិបាលកិច្ច តាមរយៈការប្រកាន់ខ្ជាប់ការអនុវត្តនូវអភិក្រមជាខឿន ឬជាដំណាក់កាល់ៗ (ឬហៅថា Platform Approach) ដោយត្រូវបានកំណត់ចក្ខុវិស័យប្រកបដោយមហិច្ឆិតា និងប្រាកដនិយមពោល គឺកសាងប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ឱ្យស្របតាមស្តង់ដា និងឧត្តមានុវត្តន៍ជាអន្តរជាតិ ដែលមានគោលដៅផ្លាស់ប្តូរប្រព័ន្ធហិរញ្ញវត្ថុសាធារណៈ ដែលផ្តោតលើធាតុចូល និងមានលក្ខណៈមជ្ឈការឆ្ពោះ ទៅប្រព័ន្ធដែលផ្ដោតលើធាតុចេញ ឬលទ្ធផល និងមានលក្ខណៈវិមជ្ឈការ។

ក្នុងទស្សនវិស័យដ៏ពិសិដ្ឋនេះ ប្រព័ន្ធគ្រប់គ្រងហិរញ្ញវត្ថុសាធារណៈត្រូវបាននិងកំពុងធ្វើទំនើបកម្មជាបណ្តើរៗ និងកាន់តែស៊ីជម្រៅលើគ្រប់សមាសធាតុស្នូល នៃការគ្រប់គ្រងហិរញ្ញវត្ថុសាធារណៈ តាមរយៈការកសាង និងកែលម្អប្រព័ន្ធ, ក្របខ័ណ្ឌគតិយុត្ត, ស្ថាប័ននីយកម្ម និងធនធានមនុស្ស។

ជាក់ស្តែងក្នុងរយៈពេលប្រមាណ៣ឆ្នាំ នៃវិបត្តិជំងឺកូវីដ១៩កន្លងទៅរាជរដ្ឋាភិបាលមានថវិកាគ្រប់គ្រាន់ ដើម្បីគាំទ្រការអនុវត្តគោលនយោបាយ និងវិធានការអន្តរាគមន៍ទាំងឡាយ ដើម្បីជួយរក្សាលំនឹងជីវភាពរស់នៅរបស់ប្រជាជន ក៏ដូចជារក្សាលំនឹងធុរកិច្ចរបស់វិស័យឯកជន ដែលបាននិងកំពុងបន្តទទួលរងនូវផលប៉ះពាល់ពីវិបត្តិជំងឺកូវីដ-១៩។

ទន្ទឹមនេះរាជរដ្ឋាភិបាលកម្ពុជា ក៏បាននិងកំពុងបន្តខិតខំដោះស្រាយបញ្ហាប្រឈម និងហានិភ័យផ្នែកម៉ាក្រូសេដ្ឋកិច្ចនានា ពិសេសផលប៉ះពាល់ពីវិបត្តិនៃសង្គ្រាមរវាងរុស្ស៊ី និងអ៊ុយក្រែនដែលនេះ បានរុញអត្រាអតិផរណាឱ្យកើនឡើងខ្ពស់ជាអាទិ៍ ការឡើងថ្លៃប្រេងឥន្ធនៈ ចំណីអាហារ ជីកសិកម្ម និងទំនិញស្ទើរគ្រប់ប្រភេទ ទាំងតាមរយៈគោលនយោបាយសារពើពន្ធ និងគោលនបាយគន្លឹះផ្សេងទៀត។

ក្នុងទស្សនវិស័យប្រកបដោយសុទិដ្ឋិនិយម នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដៃគូអភិវឌ្ឍន៍អបអរសាទរ ចំពោះរាជរដ្ឋាភិបាលកម្ពុជា សម្រាប់វឌ្ឍនភាពប្រកបដោយចីរភាពលើគ្រប់ទិដ្ឋភាព នៃកម្មវិធីកែទម្រង់ការគ្រប់គ្រង ហិរញ្ញវត្ថុសាធារណៈ ពិសេសវឌ្ឍនភាពនៃការអនុម័ត «ច្បាប់ស្តីពីប្រព័ន្ធហិរញ្ញវត្ថុសាធារណៈ(ថ្មី)»។

ជាមួយគ្នានេះដៃគូអភិវឌ្ឍន៍ប្តេជ្ញាមុតមាំ ក្នុងការបន្តគាំទ្រការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ «គណនេយ្យភាពសមិទ្ធកម្ម» ឆ្នាំ២០២៣-២០២៧ ដែលនឹងត្រូវប្រកាសដាក់ឱ្យអនុវត្តជាផ្លូវ ការក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅថ្ងៃទី២០ ខែមីនា ឆ្នាំ២០២៣ខាងមុខ។

អគ្គបណ្ឌិតសភាចារ្យ ឧបនាយករដ្ឋមន្រ្តី បានផ្តល់ការវាយតម្លៃខ្ពស់ និងកោតសរសើរ ចំពោះក្រុមការងារ កែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងស្ថាប័ន និងអង្គភាពក្រោមឱវាទក្រសួងសេដ្ឋកិច្ច និងហិរញ្ញវត្ថុ ព្រមទាំងកិច្ចសហប្រតិបត្តិការ ជាមួយដៃគូអភិវឌ្ឍន៍ ដែលបានចូលរួមកសាងភាពរឹងមាំ នៃប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ដែលជាកម្មវិធីកែទម្រង់ស្នូល ឈានឆ្ពោះទៅសម្រេចឱ្យបាននូវគោលដៅ នៃផែនការយុទ្ធសាស្រ្តអភិវឌ្ឍន៍ជាតិ និងការអភិវឌ្ឍសេដ្ឋកិច្ចប្រកបដោយចីរភាពនៅកម្ពុជា៕



0 Comments:

Post a Comment