សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតកូរ៉េខាងត្បូង ជួបសម្តែងការគួរសម

នៅល្ងាចថ្ងៃចន្ទ ទី២០ ខែកុម្ភៈ ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យ លោក ផាក ជុង វុក (Park Jung Wook) ឯកអគ្គរដ្ឋទូតសាធារណរដ្ឋកូរ៉េ (កូរ៉េខាងត្បូង) ប្រចាំនៅកម្ពុជា ចូលជួបសម្តែងការគួរសម និងជជែកលើការងារមួយចំនួន។

ជំនួបធ្វើឡើងនៅវិមានសន្តិភាព។ លោក ផាក ជុង វុក បានអញ្ជើញមកបំពេញការងារជាឯកអគ្គរដ្ឋទូតសាធារណរដ្ឋកូរ៉េនៅកម្ពុជានាពេលថ្មីៗនេះ។

លោកបានចូលបង្គំគាល់ និងថ្វាយសារតាំង ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រខ្មែរ កាលពីថ្ងៃទី០៣ ខែកុម្ភៈ ឆ្នាំ២០២៣៕