ផ្សាយពាណិជ្ជកម្ម
គេហទំព័រ ព័ត៌មានថ្មីពិត មានទទួល ផ្សាយពាណិជ្ជកម្ម គ្រប់ប្រភទ / ចាងហ្វាងការផ្សាយ : លោក ថាំង ប៊ុន សុង / ទីស្នាក់ការកណ្តាល : ភូមិថ្មី សង្កាត់​​​ / ខណ្ឌដង្កោ /​ ភ្នំពេញ / ទំនាក់ទំនង Tele: 012 253 887 / 016 253 887

ផ្សាយពាណិជ្ជកម្ម

ផ្សាយពាណិជ្ចកម្ម

ផ្សាយពាណិជ្ជកម្ម

Sunday, January 22, 2023

អំណោយរបស់ ឯកឩត្តម ហ៊ុន ម៉ាណែត​ ត្រូវបាននាំទៅប្រគល់ជូនក្រុមគ្រួសារអតីតយុទ្ធជននៅស្រុកសន្ទុក ខេត្តកំពង់ធំ

ចំនួនអ្នកទស្សនា: Views


 (កំពង់ធំ)៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកពង់ធំ ប្រធានសមាគមអតីតយុទ្ធជនកម្ពុជាខេត្ត នាថ្ងៃទី២២ ខែមករា ឆ្នាំ២០២៣ បានដឹកនាំសហការីនាំយកអំណោយស្បៀងអាហារ និងថវិកាមួយចំនួនទៅប្រគល់ជូនក្រុមគ្រួសារអតីតយុទ្ធជនចំនួន១៤១គ្រួសារ ដែលកំពុងរស់នៅលើដីសម្បទានសង្គមកិច្ចស្ថិតនៅឃុំក្រយា ស្រុកសន្ទុក ខេត្តកំពង់ធំ។

ឧត្តមសេនីយ៍ទោ សោម ស៊ុន បានពាំនាំនូវការផ្ដាំផ្ញើសាកសួរសុខទុក្ខពីសំណាក់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ដែលសម្ដេចទាំងទ្វេលោកតែងតែគិតគូរយកគិតទុកដាក់ពីសុខទុក្ខនិងជីវភាពរស់នៅរបស់អតីតយុទ្ធជន ព្រោះអតីតយុទ្ធជនគឺជាអ្នកដែលមានគុណបំណាច់ចំពោះជាតិ និងមាតុភូមិដោយបានរួមចំណែកជាមួយសម្តេចតេជោអនុវត្តនូវនយោបាយឈ្នះឈ្នះ ធ្វើឲ្យប្រទេសជាតិមានសុខសន្តិ ភាពពេញលេញដូចសព្វថ្ងៃនេះ។ ជា​មួយ​នេះ​ដែរ ​សម្ដេចតេជោ និងសម្ដេចកិត្តិព្រឹទ្ធបណ្ឌិត តាមរយៈទេសរដ្ឋមន្ត្រី នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា លោកបានសូមជូនពរដល់អតីតយុទ្ធជនទាំងអស់និងក្រុមគ្រួសារ បានប្រកបតែសេចក្តីសុខសេចក្តីចម្រើន សុខភាព​ល្អ​ និងសុភមង្គលគ្រប់ពេលវេលា។

ឧត្តមសេនីយ៍ទោ សោម ស៊ុន បានអំពាវនាវដល់ក្រុមគ្រួសារអតីតយុទ្ធជនទាំងអស់​ទៅ​ពិនិត្យ​មើល​ឈ្មោះ​ក្នុង​បញ្ជី​បោះឆ្នោត​ចុង ក្រោយ​ដែល​បាន​បិទ​ផ្សាយ​នៅ​សាលា​ឃុំ​ សង្កាត់​ដើម្បី​មាន​ឈ្មោះ​ទៅបោះឆ្នោត​​នៅ​ថ្ងៃ​ទី​២៣ ​ខែ​កក្កដា​ ឆ្នាំ​២០២៣ខាងមុខ​នេះ​ឱ្យបានគ្រប់ៗគ្នា ហើយត្រូវចូលរួមអនុវត្តឱ្យបានជោគជ័យនូវគោលនយោបាយភូមិ.ឃុំមានសុវត្ថិភាពរបស់រាជរដ្ឋាភិបាល។

លោកបានអំពាវនាវដល់ប្រជាពលរដ្ឋទៅចាក់វ៉ាក់សាំងការពារជំងឺកូវីដ-១៩ ដូសទី៦ឱ្យបានគ្រប់ៗគ្នា ដែលគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ និងរៀបចំចាក់ជូនប្រជាពលរដ្ឋនៅពេលខាងមុខដ៏ខ្លីនេះ។

ឧត្តមសេនីយ៍ទោ សោម ស៊ុន បាននាំយកនូវស្បៀងអាហារ គ្រឿងឧបភោគបរិភោគ និងថវិកាមួយចំនួនដែលជាអំណោយរបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ឧបត្ថម្ភជូនដល់បងប្អូនក្រុមគ្រួសារអតីតយុទ្ធជនចំនួន​១៤១​គ្រួសារ​ ដែលបានចូលរួមក្នុងពិធីនេះផងដែរ។

លោកវរសេនីយ៍ត្រី កៅ ស៊ីម អតីតយុទ្ធ ជនពិការ តំណាងឲ្យក្រុមគ្រួសារអតីតយុទ្ធជន ដែលកំពុងរស់នៅលើដីសម្បទានសង្គមកិច្ច បានថ្លែងអំណរគុណចំពោះសម្ដេចតេជោ និងសម្ដេចកិត្តិព្រឹទ្ធបណ្ឌិត ព្រមទាំងលោក ហ៊ុន ម៉ាណែត និងលោក ដែលតែងតែយកចិត្តទុកដាក់ជួយដោះស្រាយការលំបាកដល់ក្រុមគ្រួសារអតីតយុទ្ធជននៅគ្រប់ពេលវេលា និងនៅគ្រប់ទីកន្លែង៕


0 Comments:

Post a Comment