ភ្នំពេញ :ថ្ងៃទី៣០ ខែមករា ឆ្នាំ២០២៤នាល្ងាចថ្ងៃចន្ទ ទី២៩ ខែមករា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអនុញ្ញាតឱ្យ គណៈប្រតិភូក្រុមបាល់ទាត់យុវជនស.ស.យ.ក. វិស័យសាធារណការ និងដឹកជញ្ជូន ចូលជួបសម្តែងការគួរសម និងសំណេះសំណាល ទទួលយកអនុសាសន៍ល្អៗ ដោយមានការចូលរួមផងដែរពី ឯកឧត្តមជាថ្នាក់ដឹកនាំ និងមន្ត្រីពាក់ព័ន្ធមួយចំនួនផ្សេងទៀត។
ក្នុងពិធីសំណេះសំណាលនាល្ងាចនេះ ឯកឧត្តមរដ្ឋមន្ត្រី បានថ្លែងអំណរគុណដល់ក្រុមបាល់ទាត់យុវជនស.ស.យ.ក. វិស័យស.ក.ដ. ដែលបានប្រឹងប្រែងហ្វឹកហាត់រហូតដណ្តើមបានជ័យលាភី ក្នុងការប្រកួតបាល់ទាត់យកពានរង្វាន់ “មិត្តភាពយុវជន ស.ស.យ.ក អន្តរក្រសួង-ស្ថាប័ន” ប្រចាំឆ្នាំ២០២៣ កន្លងទៅ។ ជាមួយគ្នានេះ ឯកឧត្តមរដ្ឋមន្ត្រី បានផ្តាំផ្ញើឱ្យកីឡាករគ្រប់រូបបន្តយកចិត្តទុកដាក់ហ្វឹកហាត់បន្ថែមទៀត សម្រាប់រដូវកាលថ្មី ឆ្នាំ២០២៤នេះ ព្រមទាំងបង្កើននូវសាមគ្គីភាព មិត្តភាព និងភាពស្និតស្នាល ពីស្ថាប័នមួយ ទៅស្ថាប័នមួយ តាមរយៈការហ្វឹកហាត់ និងការលេងនូវកីឡាមួយនេះ។
បន្ថែមពីនេះ ឯកឧត្តមរដ្ឋមន្ត្រី ក៏បានណែនាំដល់ថ្នាក់ដឹកនាំពាក់ព័ន្ធ ត្រូវយកចិត្តទុកដាក់ទំនុកបំរុង និងលើកទឹកចិត្តក្នុងគ្រប់រូបភាព ដល់កីឡាករ និងគ្រូបង្វឹកគ្រប់រូប ដើម្បីឱ្យការហ្វឹកហាត់កាន់មានប្រសិទ្ធិភាព និងលទ្ធផលគាប់ប្រសើរបន្តទៀត ពិសេសគឺត្រូវមានរៀបចំផែនការសកម្មភាពទុកជាមុនឱ្យបានច្បាស់លាស់ មុននឹងចូលរួមការប្រកួតមួយលើកៗ ដើម្បីបញ្ចៀសការប៉ះពាល់ដល់ការងារស្នូលដែលត្រូវបំពេញ។
សូមរម្លឹកដែរថា ក្រុមបាល់ទាត់យុវជនស.ស.យ.ក. វិស័យស.ក.ដ. ត្រូវបានបង្កើតឡើងនៅក្នុងឆ្នាំ២០១៣ ដោយបានចូលរួមការប្រកួតមិត្តភាព និងប្រកួតដណ្តើមពានរង្វាន់ផ្សេងៗជាហូរហែ។ ក្រុមបាល់ទាត់នេះ ដំណើរការបានយ៉ាងរលូន គឺដោយសារមានការគាំទ្រពីថ្នាក់ដឹកនាំក្រសួងគ្រប់លំដាប់ថ្នាក់ តាំងពីដើមរៀងមក ហើយបច្ចុប្បន្ន ឯកឧត្តមរដ្ឋមន្ត្រី ព្រមទាំងថ្នាក់ដឹកនាំ និងគ្រប់អង្គភាពក្រោមឱវាទក្រសួង ក៏នៅតែបន្តជួយឧបត្ថម្ភគាំទ្រក្នុងគ្រប់រូបភាពផងដែរ៕ ដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL3FuQlE9PSIsImV4cCI6bnVsbCwicHVyIjoiYmxvYl9pZCJ9fQ==--30c65352099f871850e3bb6341c7424a5a8d8bca/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423236313_701768208800843_71127.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL21uQlE9PSIsImV4cCI6bnVsbCwicHVyIjoiYmxvYl9pZCJ9fQ==--451f73fa14b8dc3c7679cb10482fd419f37dfe7c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423193466_701768172134180_13476.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL2VuQlE9PSIsImV4cCI6bnVsbCwicHVyIjoiYmxvYl9pZCJ9fQ==--6491b4a87d4c02476f19e741d0c6d625b8a5ccf2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423239985_701768182134179_90168.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL2luQlE9PSIsImV4cCI6bnVsbCwicHVyIjoiYmxvYl9pZCJ9fQ==--d2a09a55ee385def954633ebb515a5472117e0a9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423237237_701768198800844_11265.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL2FuQlE9PSIsImV4cCI6bnVsbCwicHVyIjoiYmxvYl9pZCJ9fQ==--a96b825bcea0f0fd24c3d5be75db51e02a254d4e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423313260_701768278800836_26258.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL1duQlE9PSIsImV4cCI6bnVsbCwicHVyIjoiYmxvYl9pZCJ9fQ==--faabbd769e123da84f28ecc427602ad9d1b857b5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423131494_701768335467497_75818.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL1NuQlE9PSIsImV4cCI6bnVsbCwicHVyIjoiYmxvYl9pZCJ9fQ==--7c1a9dfaf41d68c693576183398817654d0826d4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423132748_701768328800831_48887.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL09uQlE9PSIsImV4cCI6bnVsbCwicHVyIjoiYmxvYl9pZCJ9fQ==--70f736750d7044607ee89d6f79cc797e4194548b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423006044_701768325467498_44993.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL0tuQlE9PSIsImV4cCI6bnVsbCwicHVyIjoiYmxvYl9pZCJ9fQ==--29d4f7662712503a475ea78f3f75c5c2e7d361d1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/423161693_701768362134161_69078.jpg)
0 Comments:
Post a Comment