ឧត្តមសេនីយ៍ទោ ងួន ពិសិដ្ឋ ដឹកនាំក្រុមការងារ ចុះតាមដានត្រួតពិនិត្យនិងគាំទ្រ ដើម្បីពង្រឹងការអនុវត្តតួនាទីភារកិច្ច នៅប៉ុស្តិ៍នគរបាលរដ្ឋបាលឃុំ/សង្កាត់ ចំនួន០៨ ក្នុងខេត្តព្រៃវែង

ព្រៃវែង៖ លោកឧត្តមសេនីយ៍ទោ ងួន ពិសិដ្ឋ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានដឹកនាំក្រុមការងារ ចុះតាមដានត្រួតពិនិត្យនិងគាំទ្រ ដើម្បីពង្រឹងការអនុវត្តតួនាទីភារកិច្ច នៅប៉ុស្តិ៍នគរបាលរដ្ឋបាលឃុំ/សង្កាត់ ចំនួន០៨ ក្នុងខេត្តព្រៃវែង ចាប់ពីថ្ងៃទីថ្ងៃទី២២ ដល់ថ្ងៃ២៥ ខែមករា ឆ្នាំ២០២៤ រួមមាន៖
-ប៉ុស្តិ៍នគរបាលនិងរដ្ឋបាលឃុំតាកោ និង សង្កាត់កំពង់លាវ ក្រុងព្រៃវែង
-ប៉ុស្តិ៍នគរបាលនិងរដ្ឋបាលឃុំស្វាយជ្រុំ និង រដ្ឋបាលឃុំអង្គរសរ ស្រុកមេសាង
-ប៉ុស្តិ៍នគរបាលនិងរដ្ឋបាលឃុំឫស្សីសាញ់ និង រដ្ឋបាលឃុំរំលេច ស្រុកស៊ីធរកណ្តាល
-ប៉ុស្តិ៍នគរបាលនិងរដ្ឋបាលឃុំស្វាយអន្ទរ និងរដ្ឋបាលឃុំជ្រៃ ស្រុកស្វាយអន្ទរ

ក្រៅពីកិច្ចប្រជុំជាមួយមន្ត្រីនគរបាលប៉ុស្តិ៍ ក្រុមការងារក៏បានជួបប្រជុំពិភាក្សារជាមួយ ក្រុមប្រឹក្សានៃរដ្ឋបាលឃុំ/សង្កាត់ទាំង០៨ខាងលើ ដើម្បីស្វែងយល់អំពីផែនការរបស់ឃុំ/សង្កាត់ក្នុងការអនុវត្តគោលនយោបាយភូមិ ឃុំ សង្កាត់មានសុវត្ថិភាព និងការអនុវត្តការងារនគរបាលប៉ុស្តិ៍ និងសហគមន៍។ ទន្ទឹមនោះ ឧត្តមសេនីយ៍ទោ ក៏បានដឹកនាំកិច្ចប្រជុំនៅអធិការដ្ឋាននគរបាលទាំង០៤ស្រុក/ក្រុង ផងដែរ៕