ឯកឧត្តម សុខ ពុទ្ធិវុធ អញ្ជើញជួបសំណះសំណាល និងចែកពូជដូង ជូនដល់ប្រជាពលរដ្ឋឃុំរនាម​ ស្រុកទ្រាំង ជាង៤០០ដើម

តាកែវ៖ នាព្រឹកថ្ងៃសៅរ៍ ទី០៦ ខែមករា ឆ្នាំ២០២៤​ ឯកឧត្តម សុខ ពុទ្ធិវុធ រដ្ឋលេខាធិការ​ក្រសួងប្រៃសណីយ៍ និងទូរគមនាគមន៍ និងជាសហប្រធានក្រុមការងាររាជ​រដ្ឋាភិបាលចុះ​មូលដ្ឋានស្រុកទ្រាំងបានអញ្ជើញជួបសំណះសំណាល និងចែកពូជដូងជូនដល់ប្រជាពលរដ្ឋឃុំរនាម​ប្រមាណជាង​៤០០ដើម ពិធីនេះ​ប្រារព្ធធ្វើឡើង​នៅ​បរិវេណវត្តត្រពាំងធំ ស្ថិតក្នុងឃុំរនាម ស្រុកទ្រាំង ខេត្តតាកែវ។ 

ពិធីនេះមានការអញ្ជើញចូលរួមមានពី​ លោក សាន​ ខុន ប្រធានក្រុមប្រឹក្សាស្រុកទ្រាំង​ លោក​ ឈួន​ ផាន់នី​ អភិបាលនៃគណៈអភិបាលស្រុក​ លោក​ លោកស្រី​ អភិបាលរងស្រុក លោកគ្រូ​ អ្នកគ្រូ​ សិស្សានុសិស្ស​ យុវជន​ស.ស.យ.ក​ យុវជន​កាកបាទក្រហម យុវជនកាយរិទ្ធឹស្រុក​ និងបងប្អូនប្រជាពលរដ្ឋ​ជាច្រេីននាក់ចូលរួមផងដែរ។

ឆ្លៀតឱកាសនេះដែរ ឯកឧត្ដម សុខ ពុទ្ធិវុធ ក៏បានចុះជួបសំណេះសំណាលជាមួយ លោកគ្រូ អ្នកគ្រូ និងក្មួយៗសិស្សានុសិស្សព្រមទាំងបានឧបត្ថម្ភ តុ សិក្សា ចំនួន៣០ តាមរយៈក្រុមការងាររាជរដ្ឋាភិបាលចុះមូលដ្ឋានឃុំរនាម ដល់សាលាបឋមសិក្សាត្រពាំងធំ ដែលស្ថិតក្នុងភូមិត្រពាំងធំ ឃុំរនាម ស្រុកទ្រាំង ខេត្តតាកែវ ផងដែរ។