ផ្សាយពាណិជ្ជកម្ម
គេហទំព័រ ព័ត៌មានថ្មីពិត មានទទួល ផ្សាយពាណិជ្ជកម្ម គ្រប់ប្រភទ / ចាងហ្វាងការផ្សាយ : លោក ថាំង ប៊ុន សុង / ទីស្នាក់ការកណ្តាល : ភូមិថ្មី សង្កាត់​​​ / ខណ្ឌដង្កោ /​ ភ្នំពេញ / ទំនាក់ទំនង Tele: 012 253 887 / 016 253 887

ផ្សាយពាណិជ្ជកម្ម


Friday, June 9, 2023

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសបន្តចុះជួបកម្មករ កម្មការិនីជិត ២ម៉ឺននាក់ទៀត នៅខេត្តកំពង់ឆ្នាំង

ចំនួនអ្នកទស្សនា: Views

(ភ្នំពេញ)៖ នៅថ្ងៃសុក្រ ៦រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹង​ថ្ងៃទី៩ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត ២ម៉ឺននាក់ មកពីរោងចក្រសហគ្រាសចំនួន១១ ដែលកំពុងដំណើរអាជីវកម្ម ក្នុងស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង។ ជំនួបសំណេះសំណាល ធ្វើឡើងនៅភូមិចម្ការស្វាយ ឃុំសេដ្ឋី ស្រុកសាមគ្គី​មានជ័យ ខេត្តកំពង់ឆ្នាំង។

ខាងក្រោមជាខ្លឹមសារសំខាន់ៗរបស់សម្តេចតេជោ ហ៊ុន សែន ឱកាសបន្តចុះជួបកម្មករ កម្មការិនីជិត ២ម៉ឺននាក់ទៀត នៅខេត្តកំពង់ឆ្នាំង៖

* សម្តេចតេជោ ហ៊ុន សែន ឧបត្ថម្ភ៥លានរៀល ជូនដល់កម្មការិនីមួយរូប ដែលសម្រាលកូនភ្លោះ។ សម្តេចតេជោ ហ៊ុន សែន សម្តែងការសោកស្តាយមិនបានចាត់ចែងការឧបត្ថម្ភដល់ស្ត្រីរូបនេះ កាលពីថ្ងៃម្សិលមិញ។

* សម្តេចតេជោ ហ៊ុន សែន បានថ្លែងថា សង្គ្រាមងាយនឹងបង្កើត តែការពន្លត់ភ្លើងសង្គ្រាមមិនងាយស្រួលនោះឡើយ។

* សម្តេចតេជោ ហ៊ុន សែន បានថ្លែងថា លន់ នល់ សម្រេចចិត្តបង្កើតឱ្យមានសង្គ្រាមត្រឹមតែប៉ុន្មាននាទីប៉ុណ្ណោះ។ តែសង្គ្រាមនោះ បានបង្ហហន្តរាយយ៉ាងធំធេង។

* សម្តេចតេជោ ហ៊ុន សែន បានថ្លែងថា ដើម្បីបានសុខសន្តិភាពមកវិញ សម្តេចបានយក «ក្បាល» ទៅដូរ។

* សម្តេចតេជោ ហ៊ុន សែន បានថ្លែងថា ការជួបជាមួយកម្មករ កម្មការិនី មិនមែនជាការជួបដើម្បីតែជួបនោះទេ។ តែជាការជួបដើម្បីបានដោះស្រាយពីបញ្ហាតូច រហូតដល់ធំ។

* សម្តេចតេជោ ហ៊ុន សែន បានថ្លែងថា ចរន្តបោះបង់បក្សប្រឆាំង មករួមរស់ជាមួយបក្សប្រជាជនកម្ពុជា ប្រៀបដូចទឹកបាក់ទំនប់។ សម្តេចតេជោ ហ៊ុន សែន ប្រកាសស្វាគមន៍រាល់សមាជិកបក្សប្រឆាំង។

* សម្តេចតេជោ ហ៊ុន សែន បានថ្លែងថា សម្តេចស្វាគមន៍រាល់សមាជិកបក្សប្រឆាំង លើកលែងតែជនក្បត់ជាតិ៣ជំនាន់ប៉ុណ្ណោះ។

* សម្តេចតេជោ ហ៊ុន សែន ច្រានចោលការបំភ្លៃការពិតរបស់ជនក្បត់ជាតិ៣ជំនាន់ ដែលថាសម្តេចសម្លាប់ខ្មែរឥស្លាម។

* សម្តេចតេជោ ហ៊ុន សែន ទម្លាយថា បេសកកម្មស្វែងរកលុយរបស់ជនក្បត់ជាតិ៣ជំនាន់ ទទួលបរាជ័យ។

* សម្តេចតេជោ ហ៊ុន សែន បានថ្លែងថា តាមរយៈកិច្ចព្រមព្រៀងសេដ្ឋកិច្ចគ្រប់​ជ្រុង​ជ្រោយជាមួយអេមីរ៉ាតអារ៉ាប់រួម កម្ពុជានឹងទាក់ទាញការវិនិយោគលើការកែច្នៃអង្ករ កែច្នៃស្វាយចន្ទី និង ដំឡូងមី

* សម្តេចតេជោ ហ៊ុន សែន បានថ្លែងថា ក្រុមប្រឆាំងនិយាយថា រាជរដ្ឋាភិបាលដឹកនាំមិនល្អឱ្យពលរដ្ឋទៅធ្វើក្រៅប្រទេស តែនាំគ្នាទៅប្រមូលលុយពីពលករខ្មែរ។

* សម្តេចតេជោ ហ៊ុន សែន បានថ្លែងថា ប្រទេសវៀតណាម ជួបបញ្ហាខ្វះថាមពលអគ្គិសនី ដោយសាររលកកម្តៅ និងការផលិតថាមពលមិនគ្រប់។

* សម្តេចតេជោ ហ៊ុន សែន ស្នើទៅម្ចាស់បុរី រៀបចំការបង់ប្រាក់រំលោះឡើងវិញ ដើម្បីសម្រួលម្ចាស់ផ្ទះ ដែលកំពុងជួបបញ្ហាហិរញ្ញវត្ថុ ហើយបញ្ចៀសបានការរឹបអូសផ្ទះ។

* សម្តេចតេជោ ហ៊ុន សែន ស្នើរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជួយពិនិត្យ និងសម្រួលលើការបង់រំលោះផ្ទះនៅតាមបុរី។

* សម្តេចតេជោ ហ៊ុន សែន ណែនាំម្ចាស់បុរី ហៅម្ចាស់ផ្ទះដែលត្រូវបានរឹបអូសផ្ទះ មកជជែកគ្នា ហើយផ្តល់ផ្ទះត្រឡប់ទៅវិញ ដោយចិត្តធម៌ ក្រោមនយោបាយឈ្នះ-ឈ្នះ។

* សម្តេចតេជោ ហ៊ុន សែន បានថ្លែងថា ការគោរពស្រឡាញ់របស់កម្មករ កម្មការិនី បានផ្តល់ថាមពល និងកម្លាំងចិត្តជាខ្លាំងសម្រាប់សម្តេច។

* សម្តេចតេជោ ហ៊ុន សែន បានថ្លែងណែនាំឱ្យស្រាវជ្រាវរកទិន្នន័យ អ្នកដែលត្រូវគេរឹបអូសផ្ទះ។

* សម្តេចតេជោ ហ៊ុន សែន បន្តអំពាវនាវដល់ថៅកែរោងចក្រ និងកម្មករ-កម្មការិនី ចូលរួមថែរក្សាសន្តិភាពទាំងអស់គ្នា។

0 Comments:

Post a Comment