(ភ្នំពេញ)៖ លោកសាស្ដ្រាចារ្យ ម៉ម ប៊ុនហេង រដ្ឋមន្ដ្រីក្រសួងសុខាភិបាល បានបំពាក់គ្រឿងឥស្សរិយយស មេដាយសហមេត្រី ថ្នាក់ធិបឌិន្ទ ជូនលោកបណ្ឌិត Olivier Segeral អតីតអ្នកជំនាញការបច្ចេកទេសអន្តរជាតិ សម្រាប់សាកលវិទ្យាល័យវិទ្យាសាស្ដ្រាសុខាភិបាល បន្ទាប់ពីលោកបណ្ឌិតបានកសាងនូវស្នាដៃជាច្រើនជូនសាកលវិទ្យាល័យកន្លងមកនេះ។
(ភ្នំពេញ)៖ លោកបណ្ឌិត ហ៊ុន ម៉ាណែត នៅថ្ងៃទី២៨ ខែឧសភា ឆ្នាំ២០២៣នេះ បានជួបសំណេះសំណាលជាមួយសកម្មជនយុវជនផែនសហគ្រិនវ័យក្មេង នៃក្រុមការងារយុវជនគណបក្សប្រជាជនកម្ពុជារាជធានីភ្នំពេញ នៅទីស្នាក់ការកណ្តាលគណបក្សប្រជាជនកម្ពុជា រាជធានីភ្នំពេញ។
ភ្នំពេញ៖ ដើម្បីជួយសម្រួលការលំបាក ខណៈរដូវវស្សាបានឈានមកដល់ សមាជិកមូលនិធិស៊ីក្លូក្នុងរាជធានីភ្នំពេញចំនួន២៩៩នាក់ ទទួលបានអាវភ្លៀង មី និងថវិការបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានកិត្តិយសមូលនិធិត្រីចក្រយានកម្ពុជា(ស៊ីក្លូ) ។
ថវិកា និងសម្ភារៈទាំងនេះត្រូវបានលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ និងជាប្រធានលេខាធិការដ្ឋានមូលនិធិត្រីចក្រយានកម្ពុជា តំណាងឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានក្រុមប្រឹក្សាភិបាលមូលនិធិត្រីចក្រយានកម្ពុជាប្រគល់ជូនសមាជិកមូលនិធិ នារសៀលថ្ងៃអាទិត្យទី២៨ ខែឧសភា ឆ្នាំ២០២៣ នៅសាលារាជធានីភ្នំពេញ ។
លោក ម៉េត មាសភក្តី បានមានប្រសាសន៍ឲ្យដឹងថា សម្តេចអគ្គមហាសេនាបតីតេជោ ហ៊ុន សែន តែងក្រើនរំលឹកឲ្យឯកឧត្ដម ឃួង ស្រេង យកចិត្តទុកដាក់និងមើលថែពីសុខទុក្ខសមាជិកអ្នកធាក់ស៊ីក្លូក្នុងរាជធានីភ្នំពេញ ជាក់ស្តែងនៅពេលនេះ សមាជិកទាំង២៩៩នាក់បានទទួល អាវភ្លៀង មី និងថវិការបស់សម្តេចតេជោ ហ៊ុន សែន បន្ថែមពីលើការឧបត្ថម្ភប្រចាំខែបន្ថែម ។
លោក ម៉េត មាសភក្ដី បន្ថែមថា សម្តេចតេជោ ហ៊ុន សែន បានយកចិត្តទុកដាក់ខ្លាំងណាស់ចំពោះបងប្អូនជាសមាជិកមូលនិធិស៊ីក្លូ ពោលគឺឲ្យតែមានពិធីបុណ្យជាតិធំៗម្តងៗ សម្តេចតែងបានផ្តល់អំណោយជូនជានិច្ច។ ក្រៅពីនេះ អ្នកធាក់ស៊ីក្លូទាំង២៩៩នាក់ក៏ទទួលបានប្រាក់ខែជារៀងរាល់ខែចំនួន២១ម៉ឺនរៀលផងដែរ ដោយក្នុង១ខែអាចបើកបាន៣ដងក្នុង១ដង៧ម៉ឺនរៀល ជាមួយនឹងការផ្តល់ជូនបណ្ណ ប. ស. ស ដើម្បីឲ្យសមាជិកអាចទៅព្យាបាលជំងឺដោយមិនអស់ប្រាក់នៅតាមមន្ទីរពេទ្យរដ្ឋនានា ។ បន្ថែមពីនេះទៀត ក្នុងអំឡុងពេលដែលប្រទេសកម្ពុជា ក៏ដូចជារាជធានីភ្នំពេញ កំពុងប្រឈមមុខនឹងការរាតត្បាតជម្ងឺកូវីដ-១៩ សម្តេចមិនត្រឹមតែផ្តល់វ៉ាក់សាំងជូនសមាជិកអ្នកធាក់ស៊ីក្លូទេ បានផ្តល់អំណោយជាគ្រឿងឧបភោគ បរិភោគ ម៉ាស អាកុល ជែល ជូនថែមទៀត។
គួរបញ្ជាក់ផងដែរថា មូលនិធិនេះត្រូវបានបង្កើតឡើងតាំងពីថ្ងៃទី១៨ ខែមករា ឆ្នាំ២០១៨ ក្រោមការផ្តួចផ្តើមដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន សំដៅអភិរក្សស៊ីក្លូ ដែលមានដើមកំណើតតាំងពីសម័យអនានិគមនិយមបារាំងមកម្ល៉េះ៕
ខេត្តកំពង់ស្ពឺ៖ ឯកឧត្ដម ឯម សុផល អនុប្រធាន សមាគមរាជសីហ៍ ជាតំណាង ឯកឧត្ដមប្រធាន ស៊ូម សារឿន បានដឹកនាំ យុវជនរាជសីហ៍ ចំនួន៣៥នាក់ នាំយកកូនឈើ ចំនួន៥០០ដើម (បេង គគី ក្ងោក) និងចូលរួមដាំ នៅក្នុងបរិវេណវិទ្យាស្ថានទ័ពជើងគោក ក្រោមកិច្ចទទួលការស្វាគមន៍យ៉ាងកក់ក្តៅពីសំណាក់ ឧត្តមសេនីយ៍ទោ ម៉ែន សាត នៅថ្ងៃទី២៨ ខែឧសភា ឆ្នាំ២០២៣។
ឧត្តមសេនីយ៍ទោ ម៉ែន សាត ជួសមុខឱ្យថ្នាក់ដឹកនាំវិទ្យាស្ថាន បានសម្ដែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះ សមាគមរាជសីហ៍ ដែលបានចូលរួមយ៉ាងសកម្មក្នុងការងារសង្គម និងមនុស្សធម៌។ លោកឧត្តមសេនីយ៍ទោ សូមជូនពរថ្នាក់ដឹកនាំ សមាជិកសមាគរាជសីហ៍ទាំងអស់ មានសុខភាពល្អ ទទួលបានជោគជ័យគ្រប់ភារកិច្ច ដើម្បីបន្តសកម្មភាពសប្បុរសធម៌ និងមនុស្សធម៌ក្នុងសង្គម។
ជាទីបញ្ចប់ ឯកឧត្ដម ឯម សុផល បាននាំនូវការសួរសុខទុក្ខពីសំណាក់ ឯកឧត្តម ស៊ូម សារឿន ប្រធានសមាគមរាជសីហ៍ ព្រមទាំងផ្ដាំផ្ញើដល់បងប្អូន និងក្រុមគ្រួសារ សូមបន្តគាំទ្រ សម្តេចតេជោ ហ៊ុន សែន ជាបេក្ខភាពនាយករដ្ឋមន្ត្រី សម្រាប់នីតិកាលទី៧ នៃរដ្ឋសភា និងសូមគាំទ្រយ៉ាងពេញទំហឹង ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី សម្រាប់ពេលអនាគត៕
(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបង្ហាញនូវការហួសចិត្ត និងនឹកស្មានមិនដល់ចំពោះក្រុមអ្នកនយោបាយជ្រុលនិយមមួយចំនួននៅក្នុងប្រទេសកម្ពុជា ដែលតែងទៅអំពាវនាវឲ្យបរទេសដាក់ទណ្ឌកម្ម ឬកុំទិញទំនិញពីកម្ពុជា ដើម្បីតែផលប្រយោជន៍របស់ក្រុមខ្លួនមួយក្ដាប់តូច ដោយមិនបានគិតអំពីផលប្រយោជន៍ជាតិ និងប្រជាជនរបស់ខ្លួនជាធំ។
(ភ្នំពេញ)៖ នៅព្រឹកថ្ងៃសុក្រ ៧កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែឧសភា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញសំណេះសំណាលជាមួយកម្មករ និយោជិតសរុបចំនួន ១៩,០០០នាក់ នៅតំបន់សេដ្ឋកិច្ចពិសេស រ៉ូយ៉ាល់ គ្រុបភ្នំពេញ។
កម្មករ និយោជិតទាំងអស់នេះ មកពីរោងចក្រ ម៉ាវ៉ល ហ្កាមិន (Marvel Garment) មានកម្មករ និយោជិត ១៦,០០០នាក់, រោងចក្រ រ៉ុងវីន ហ្គាមិន (Rongwing Garment) មានកម្មករ និយោជិតចំនួន ១,៥០០នាក់ និងរោងចក្រ ដាគ្វានថេកស្ថាយ ខេមបូឌា (DAQIAN TEXTILE CAMBODIA) មានកម្មករ និយោជិតចំនួន ១,៥០០នាក់។
ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖
*សម្តេចតេជោ ហ៊ុន សែន អំពាវនាវស្វាមីរបស់កម្មការិនីម្នាក់ ដែលគ្រោងរៀបការភរិយាថ្មី ឱ្យវិលត្រឡប់មករកភរិយាវិញ។
*សម្តេចតេជោ ហ៊ុន សែន បញ្ជាក់ថា ជំនួបសំណេះសំណាលជាមួយកម្មករ និយោជិតនាពេលនេះ គឺជាជំនួបជុំទី២របស់សម្តេច។
*សម្តេចតេជោ ហ៊ុន សែន បានអះអាងថា សម្តេចគ្រោងជួបកម្មករ និយោជិតតាំងពីឆ្នាំ២០២០ តែដោយសារតែការរាតត្បាតនៃជំងឺកូវីដ១៩ ទើបខកខាន។
*សម្តេចតេជោ ហ៊ុន សែន បានថ្លែងថា បើឆ្លងកូវីដ១៩ ព្រោះការស្និទ្ធស្នាលជាមួយកម្មករ និយោជិត គឺជាតម្លៃសមនឹងលះបង់។
*សម្តេចតេជោ ហ៊ុន សែន បានថ្លែងថា ថ្ងៃនេះកម្ពុជា ផ្តល់វ៉ាក់សាំងបង្ការជំងឺកូវីដ១៩ ចំនួន ១លានដូស ជូនទៅប្រទេសមីយ៉ាន់ម៉ា។
*សម្តេចតេជោ ហ៊ុន សែន បានថ្លែងថា គេមិនអាចកែប្រែអតីតកាលបានទេ តែអតីតកាលអាចយកធ្វើមូលដ្ឋានប្រៀបធៀបបច្ចុប្បន្នកាល និងតម្រង់ទិសសម្រាប់អនាគតកាល។
*សម្តេចតេជោ ហ៊ុន សែន បានថ្លែងថា ឆ្នាំ៩០ជាង កម្ពុជាមានកម្មករ និយោជិតជាង ៨ម៉ឺននាក់។ តែបច្ចុប្បន្នកម្ពុជា មានកម្មករនិយោជិតសរុប ៨១ម៉ឺននាក់។ សម្តេចតេជោ ចាត់ទុកការវិវឌ្ឍន៍ដ៏ល្អនេះ ដោយសារកម្ពុជាមានសុខសន្តិភាព ស្ថេរភាពនយោបាយ នាំទំនុកចិត្តសម្រាប់អ្នកវិនិយោគ។
*សម្តេចតេជោ ហ៊ុន សែន បានថ្លែងថា កម្មវិធីផ្តល់ប្រាក់ជូនកម្មការិនីចាប់ពីពេលមានផ្ទៃពោះ រហូតដល់កូនអាយុ២ឆ្នាំ អនុវត្តន៍ចាប់ពីខែសីហា តទៅ ដោយក្នុងម្នាក់ទទួលបាន ១លាន ៥សែន ២ម៉ឺនរៀល។
*សម្តេចតេជោ ហ៊ុន សែន បានបញ្ជាក់ថា កម្មវិធីឧបត្ថម្ភសាច់ប្រាក់នេះ ដើម្បីធានាឱ្យមាតា និងកូនមានសុខភាពល្អ។
*សម្តេចតេជោ ហ៊ុន សែន បានថ្លែងថា គោលការណ៍ថ្មី នឹងធ្វើឱ្យរដ្ឋត្រូវចំណាយប្រមាណ ១៣លានដុល្លារបន្ថែមទៀតក្នុងមួយឆ្នាំ។ សម្តេចតេជោ បានបញ្ជាក់ថា ការបន្ថែមនេះ មិនធ្វើឱ្យរាជរដ្ឋាភិបាលដួលរលំនោះទេ។
*សម្តេចតេជោ ហ៊ុន សែន បានថ្លែងថា ការចុះជួបកម្មករ និយោជិត មិនមែនជិះសេះមើលផ្កាទេ គឺចុះដើម្បីបានដឹងពីសុខទុក្ខ និងស្ថានភាពការងាររបស់កម្មករ និយោជិត។
*សម្តេចតេជោ ហ៊ុន សែន អំពាវនាវដល់ម្ចាស់ផ្ទះជួល កុំដំឡើងថ្លៃឈ្នួលផ្ទះ។
*សម្តេចតេជោ ហ៊ុន សែន អំពាវនាវដល់កម្មករ និយោជិត ឱ្យរួមគ្នាថែរក្សាសុខសន្តិភាព។
*សម្តេចតេជោ ហ៊ុន សែន អំពាវនាវដល់ថៅកែ និងកម្មករ និយោជិតតាមរោងចក្រនានា រួមគ្នាថែរក្សាភាពសុខដុម។
*សម្តេចតេជោ ហ៊ុន សែន អំពាវនាវឱ្យថៅកែរោងចក្រនានា យកចិត្តទុកដាក់បណ្តុះបណ្តាលលើកកម្ពស់សមត្ថភាពរបស់កម្មករ និយោជិត។
*សម្តេចតេជោ ហ៊ុន សែន បានថ្លែងជំរុញឱ្យប្រឹងប្រែងដោះស្រាយទំនាស់នៅតាមរោងចក្រឱ្យបានលឿន កុំចិញ្ចឹមទំនាស់។
*សម្តេចតេជោ ហ៊ុន សែន អំពាវនាវឱ្យកម្មករ និយោជិតទៅចូលរួមបោះឆ្នោតឱ្យបានគ្រប់គ្នានៅថ្ងៃទី២៣ ខែកក្កដា ដើម្បីជ្រើសរើសមេដឹកនាំដែលខ្លួនពេញចិត្ត។
