ផ្សាយពាណិជ្ជកម្ម
គេហទំព័រ ព័ត៌មានថ្មីពិត មានទទួល ផ្សាយពាណិជ្ជកម្ម គ្រប់ប្រភទ /ចាងហ្វាងការផ្សាយ : លោក ថាំង បុ៊ន សុង / ទីស្នាក់ការកណ្តាល : ភូមិ​ ១ /សង្កាត់ ផ្សារដើមថ្កូវ / ខណ្ឌ ចំការមន /រាជធានីភ្នំពេញ / ទំនាក់ទំនង Tele: 012 253 887 / 016 253 887

<ផ្ទាំងផ្សាយពាណិជ្ជកម្ម >

ផ្សាយពាណិជ្ជកម្ម

Thursday, September 30, 2021

ថ្នាក់ដឹកនាំ សមាគមរាជសីហ៍ ដឹកនាំប្រធាន សាខាខេត្តកំពត និងសហការី ដែលទេីបត្រូវបានតែងតាំងថ្មី ចូលជួបបង្ហាញខ្លួន សម្តែងការគួរសម និងនាំអំណោយប្រគល់ជូន ឯកឧត្តម ជាវ តាយ សម្រាប់ការងារសង្គម និងសប្បុរសធម៌

 


ខេត្តកំពត៖ លោក ស៊ូម សារឿន ប្រធានសមាគមរាជសីហ៍ ឯកឧត្តម ទេព យុទ្ធី ប្រធានក្រុមប្រឹក្សាយោបល់សមាគមរាជសីហ៍ ដឹកនាំថ្នាក់ដឹកនាំ សមាជិក សមាជិកា សមាគមរាជសីហ៍សាខាខត្តកំពត ដែលទេីបតែទទួលបានការតែងតាំង ចូលជួបបង្ហាញខ្លួន សម្ដែងការគួរសម ប្រគល់ជូនសម្ភារ:មួយចំនួន និងគ្រឿងឧបភោគបរិភោគ ប្រគល់ជូនរដ្ឋបាលខេត្តកំពត សម្រាប់សកម្មភាពសង្គម ប្រយុទ្ធប្រឆាំងជម្ងឺកូវីត១៩ និងសកម្មភាពសប្បុរសធម៌ចូលរួមតាមយុទ្ធសាស្រ្តកាត់បន្ថយភាពក្រីក្ររបស់រាជរដ្ឋាភិបាល កាលពីថ្ងៃព្រហស្បតិ៍  ២រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែកញ្ញា ឆ្នាំ២០២១។



អំណោយប្រគល់ជូនរួមមាន

. អង្ករ ចំនួន០១តោន

. ទឹកសុទ្ធ ចំនួន១០០កេស

. មី ចំនួន៥០កេស

. អាល់កុល ចំនួន១០កាន (ស្មេី៣០០លីត្រ)

. ម៉ាស ចំនួន១០,០០០ម៉ាស់

ក្រោមកិច្ចស្វាគមន៍យ៉ាងកក់ក្តៅពីសំណាក់ ឯកឧត្តម ជាវ តាយ អភិបាល នៃគណៈអភិបាលខេត្តកំពត ឯកឧត្តមអភិបាលខេត្ត សូមកោតសរសើរអំពីការពង្រីកវិសាលភាពយ៉ាងឆាប់រហ័ស តាមរយៈការបង្កេីតអោយមានសាខាសមាគមរាជសីហ៍ សាខារាជធានី-ខេត្ត និងក្រៅប្រទេស ដែលតាំងពីការករកេីត សមាជិកស្ថាបនិក តែ០៥នាក់ រហូតដល់ជិត២ពាន់នាក់ និងសកម្មភាពមនុស្សធម៌ និងសង្គម ដែលជាសិល្បៈនៃការរួមចំណែកចូលរួមជាមួយរាជរដ្ឋាភិបាលកម្ពុជាគ្រប់រូបភាព។ 

ឯកឧត្តមក៏បានចូលរួមអបអរសាទរ ស្វាគមន៍ជាមួយនឹងបេក្ខភាពថ្នាក់ដឹកនាំ សមាជិក សមាជិកា សមាគមរាជសីហ៍សាខាខេត្តកំពត ដែលទេីបទទួលបានការតែងតាំង គណ:អភិបាលខេត្តសូមគាំទ្រពេញទំហឹងរាល់សកម្មភាពទាំងឡាយដែលបម្រេីប្រយោជន៍មនុស្សជាតិ និងសង្គម។


ឯកឧត្តមអភិបាលខេត្ត សូមជូនពរឯកឧត្តមប្រធានក្រុមប្រឹក្សាយោបល់ ថ្នាក់ដឹកនាំ ឯកឧត្តម លោក-លោកស្រី សមាជិក សមាជិកា សមាគមរាជសីហ៍ទាំងអស់ សូមជួបសុខសុវត្ថិភាពក្នុងការធ្វេីដំណេីរ ជោគជ័យរាល់សកម្មភាពការងារសង្គម និងសប្បុរសធម៌ ដេីម្បីកិច្ចវឌ្ឍនភាពក្នុងប្រទេសកម្ពុជា ព្រមទាំងទទួលបានសុខភាពល្អគ្រប់ៗគ្នា។


0 Comments:

Post a Comment