ប្រមុខរាជរដ្ឋាភិបាលថ្លែងថា ទោះបីតម្លៃណាក៏ដោយ កម្ពុជាត្រូវតែចាក់វ៉ាក់សាំង ការពារកូវីដ១៩ជូនប្រជាពលរដ្ឋឱ្យបានជោគជ័យ

ភ្នំពេញ៖ថ្លែងក្នុងពិធីទទួលវ៉ាក់សាំងជំងឺកូវីដ១៩ ដែលជាជំនួយរបស់រដ្ឋាភិបាល និងប្រជាជនជប៉ុន នៅអាកាសយានដ្ឋានអន្តរជាតិភ្នំពេញ កាលពីរាត្រីថ្ងៃទី២៣ខែកក្កដា ឆ្នាំ២០២១ សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា មានប្រសាសន៍ថា រាជរដ្ឋាភិបាល និងប្រជាជនកម្ពុជាទាំងមូល សូមសម្តែងការដឹងគុណយ៉ាងជ្រាលជ្រៅដល់រដ្ឋាភិបាលជប៉ុន ដែលបានជួយគាំទ្រ និងជ្រោមជ្រែងដល់កម្ពុជា ក្នុងបុព្វហេតុប្រយុទ្ធប្រឆាំងនឹងជំងឺរាតត្បាតនេះឱ្យ ខាងតែបានតាមរយៈការផ្តល់ ជាជំនួយឧបករណ៍បរិក្ខារសុខាភិបាលនិងហិរញ្ញប្បទាន ជាបន្តបន្ទាប់នាពេលកន្លងមក។ សម្តេចបានបន្តថា ការផ្តល់ជំនួយវ៉ាក់សាំង ចំនួន ១លានដូសនេះ ជាសក្ខីកម្មមួយថ្មីដែលបានឆ្លុះបញ្ចាំងពីកាយវិការសប្បុរសធម៌, សន្តានចិត្តជ្រាលជ្រៅ និងការទទួលខុសត្រូវខ្ពស់ របស់ជប៉ុន ក្នុងការជួយគាំទ្រប្រទេសដែលធនធាននិងលទ្ធភាពនៅមានកម្រិតក្នុងសមរភូមិប្រយុទ្ធប្រឆាំងនឹងជំងឺកូវីដ-១៩។ ការផ្តល់ជំនួយនេះនឹងបង្កើនវ៉ាក់សាំងដែលកម្ពុជាមានក្នុងដៃ សរុប១៨លានដូស, ជាពិសេសចូលរួមចំណែកពន្លឿនការចាក់វ៉ាក់សាំង ជូន ប្រជាពលរដ្ឋចាប់ពីអាយុ១៨ឆ្នាំឡើងទៅ ក៏ដូចជាការចាក់វ៉ាក់សាំងជូនប្រជាពលរដ្ឋ កម្ពុជាដែលមានអាយុ ចាប់ពី១២ឆ្នាំដល់១៧ ឆ្នាំ។

សំឡេង៖« ខ្ញុំសង្ឃឹមថាវ៉ាក់សាំងដែលនៅសេសសល់ និងដឹកជូនមកកម្ពុជា ដើម្បីប្រើប្រាស់ក្នុងយុទ្ធនាការដែលខ្ញុំសង្ឃឹមថា យើងនឹងអាច បញ្ចប់យ៉ាងយូរនៅក្នុងខែ តុលា ដើម្បីបញ្ចប់១០លាននាក់ ហើយទៅជាមួយគ្នាយើងអាចនឹងបន្ថែម ២លាននាក់ ឬច្រើនជាង២លាននាក់ សម្រាប់កុមារនិងយុវវ័យនៅក្នុងប្រទេសរបស់យើង។ ដោយឡែកសម្រាប់ទីក្រុងភ្នំពេញ ត្រូវរៀបចំឱ្យរួចរាល់ ដើម្បីចេញដំណើរចាប់ពីថ្ងៃទី ១ ខែសីហានេះទៅ ហើយយោងទៅលើស្ថិតិអ្នករស់នៅបច្ចុប្បន្ននៅទីក្រុងភ្នំពេញ កុមារនិងយុវវ័យមានត្រឹមតែជាង១៩ម៉ឺននាក់តែប៉ុណ្ណោះ ប៉ុន្តែដោយទាំងអ្នកដែលមកធ្វើការ នៅទីក្រុងភ្នំពេញមានកូន យើងក៏ត្រូវចាក់ឱ្យពួកគេ ដែលមានស្ថិតិរហូតដល់ទៅ ២៨ ម៉ឺននាក់ ប៉ុន្តែគណៈកម្មការវ៉ាក់សាំងនិងផ្ដល់ជូន ២៣លាន ចាក់ទៅមុន។ ខ្ញុំសូមបញ្ជាក់ថា កុំថាឡើយត្រឹម២៣លាន ឬ២៨លាន សូម្បីតែ ៥០លានក៏យើងត្រូវតែចាក់ឱ្យដែរសម្រាប់ទីក្រុងភ្នំពេញ ព្រោះឪពុកម្ដាយមកធ្វើការនៅមានកូនមកជាមួយ និងអ្នកមករៀន ប៉ុន្តែវាធូរស្រាលជាមួយនឹងខេត្តត្រឡប់ទៅវិញទេ។ ដូច្នេះយើងត្រូវបើកយុទ្ធនាការមួយទៀតដើម្បីនឹងចាក់វ៉ាក់សាំងនេះ ទោះដោយតម្លៃ ណាក៏ដោយ ក៏រាជរដ្ឋាភិបាលកម្ពុជាត្រូវតែសម្រេចឱ្យបាននូវការចាក់វ៉ាក់សាំងជូនប្រជាជនកម្ពុជា ដែលដល់អាយុត្រូវចាក់ ហើយដែលពេទ្យ អនុញ្ញាតឱ្យចាក់ »៕